Iravaban.net—ը գրում է. 2010թ.-ի հունիսի քսանչորսին Հայաստանի Հանրապետության ԱԺ-ը երկրորդ ընթերցմամբ ու ամբողջությամբ ընդունեց «Հայաստանի Հանրապետության վարչատարածքային բաժանման մասին» օրենքի մեջ լրացումներ կատարելու մասին» օրենքը, որը նկարագրում է նաև Սյունիքի ու Վայոց Ձորի մարզերում սահմանային բնակավայրերի՝ Ադրբեջանի հետ ունեցած սահմանները:Այսպես, Արցախ Հանրապետությանը (Քաշաթաղի շրջանում) սահմանակից Գորիսի տարածաշրջանի Խնձորեսկ համայնքի վարչական սահմանների նկարագրությունում ասվում է. «Խնձորեսկ գյուղական համայնքը գտնվում է մարզի հյուսիսարևելյան հատվածում: Համայնքը հյուսիսից «Ա»-«Բ» մասով սահմանակից է Խնածախ գյուղական համայնքին, հյուսիս-արևելքից ու հյուսիսից «Բ»-«Գ» մասով` Քարաշեն գյուղական համայնքին, հյուսիս-արևելքից «Գ»-«Դ» մասով` Տեղ գյուղական համայնքին, արևելքից «Դ»-«Ե» մասով` պետական սահմանին (Ադրբեջանի Հանրապետություն), «Ե»-«Զ» մասով`
Ներքին Խնձորեսկ գյուղական համայնքին, հարավ-արևելքից «Զ»-«է» մասով` պետական սահմանին (Ադրբեջանի Հանրապետություն), հարավից ու հարավ-արևմուտքից «Է»-«Ը» մասով` Հարթաշեն գյուղական համայնքին, արևմուտքից «Ը»-«Թ» հատվածով` Գորիս քաղաքային համայնքին, «Թ»-«Ա» մասով` Վերիշեն գյուղական համայնքին»:
Չի շեշտվում, որ Խնձորեսկը սահմանակից է Արցախին կամ ԼՂ-ի Հանրապետությանը: Նշվում է այսպես․ ««Դ»-«Ե» մասով սահմանագիծը հանընկնում է ՀՀ-ի և Ադրբեջանի Հանրապետության պետական սահմանի հետ»: Նշենք, որ նույնը վերաբերում է ՀՀ-ի Սյունիքի և Վայոց Ձորի մարզերի մնացած բոլոր սահմանային գյուղերին: 2010թ.-ի հունիսի քսանչորսին ԱԺ-ում նախագիծը այս կերպով ներկայացրեց կառավարությանն առընթեր անշարժ գույքի կադաստրի պետական կոմիտեի նախագահի տեղակալ Աշոտ Մուսայանը։
Կառավարության ղեկավարն էլ Տիգրան Սարգսյանն էր։ Չորրորդ գումարման խորհրդարանը ունեցել է 131 պատգամավոր։ 131 պատգամավորական մանդատներից 65-ը ՀՀԿ-ն էր, 25-ը «Բարգավաճ Հայաստան» կուսակցությանը, 16-ը ՀՅԴ-ինը, Ութը «Օրինաց երկիր» կուսակցությանը, յոթը «Ժառանգություն» կուսակցությանը, մեկը «Դաշինք» կուսակցությանը ու տասը անկախ պատգամավորներինը։ Նշանակալի է, որ ոչ մի պատգամավոր չի բարձրացրել այս խնդիրը Ազգային ժողովում և դրա մասին խորհրդարանում քննարկում չի եղել։
