Ձեր մարգարիտները խոզերի առաջ մի՛ գցէք․ Նիկոլ Փաշինյանը մեջբերում է արել Աստվածաշնչից

Նորություններ

Նիկոլ Փաշինյանը ֆեյսբուքյան իր էջում գրում է. «6 Մի՛ տուէք սրբութիւնը շներին. եւ ձեր մարգարիտները խոզերի առաջ մի՛ գցէք, որպէսզի դրանք ոտքի կոխան չանեն եւ դառնալով ձեզ չպատառոտեն:7 Խնդրեցէ՛ք Աստծուց, եւ նա կը տայ ձեզ, փնտռեցէ՛ք եւ կը գտնէք, բախեցէ՛ք, եւ կը բացուի ձեր առաջ. 8 որովհետեւ, ով որ ուզի, ստանում է, ով որ փնտռի, գտնում է, եւ ով որ բախի, նրա առաջ կը բացուի:Ավետարան ըստ Մատթեոսի, 7. 6-8Քրիստոս Ծնավ եւ Հայտնեցավ, Մեզ եւ Ձեզ Մեծ Ավետիս»:

Հայ Առաքելական եկեղեցին այսօր նշում է Հիսուս Քրիստոսի Սուրբ Ծննդյան և Աստվածհայտնության տոնը:

Տոնի առթիվ նախօրեին եկեղեցիներում մատուցվեց Ճրագալույցի պատարագ: Մայր Աթոռ Սուրբ Էջմիածնում պատարագը Սուրբ Գայանե վանքում հանդիսապետում էր Գարեգին երկրորդ Ամենայն Հայոց կաթողիկոսը, մասնակցում էին Մայր Աթոռի միաբաններ, բարերարները և բազում ուխտավորներ։ Պատարագիչն էր Մայր Աթոռի վարչատնտեսական բաժնի տնօրեն Մուշեղ եպիսկոպոս Բաբայանը:

Մինչ պատարագը կատարվեց երեկոյան ժամերգություն, ընթերցվեցին սուրբգրային տարբեր հատվածներ:

Պատարագի ընթացքում Մուշեղ սրբազանն իր քարոզում անդրադարձ կատարեց Քրիստոսի Սուրբ Ծննդյան խորհրդին՝ նշելով, որ ամենքը կրկին իրենց քայլերն ուղղել են եկեղեցիներ՝ զորանալու և խաղաղվելու փափագով։ «Խաղաղությունն է միացնում մեզ։ Խաղաղության փնտրտուքով է ազգը հայոց փարվել Քրիստոսին, ընդունել Նրա իշխանությունը և ապավինել Նրա անսահման խաղաղությանը։ Խաղաղաբեր այդ հզոր Իշխանի շուրջն ենք համախմբվել միշտ՝ զորանալու Նրանով և հույսով լցվելու։ Եվ այս պահին, սիրելի հավատացյալներ, այդ հզոր Իշխանի ծննդյան ավետիսն է, որ հրեշտակների կողմից փողահարվում է ի լուր աշխարհի. «Քրիստոս ծնաւ եւ յայտնեցավ, Ձեզ եւ մեզ մեծ աւետիս», — ասաց Մուշեղ եպիսկոպոս Բաբայանը:

 

Добавить комментарий

Ваш адрес email не будет опубликован.