starnews-ը գրում է․ Հումորիստ, պրոդյուսեր Արմեն Պետրոսյանը՝ Մենչը, ամիսներ առաջ հյուրընկալվել էր «Ես կամ» հաղորդմանը՝ կատարելով եղբայրների, քրոջ ու ծնողների հետ տնակում ապրող Գոռի երազանքը։
Հաղորդումը բավականին լայն արձագանքներ էր ստացել։ Պրոդյուսերը իր ողջ օրը նվիրել էր Գոռին ու նրա եղբայրներին։ Ֆինանսական դժվար կացությունից ելնելով՝ երեխաները վաղ տարիքից դարձել էին ծնողների հիմնական օգնող ձեռքը, իսկ Գոռի ամենամեծ ցանկություններից մեկն էլ՝ ընտանիքի բոլոր անդամների ծննդյան տարեդարձերը նորմալ նշելն էր։
Եվ, ահա, հաղորդումից մի քանի ամիս անց, Արմեն Պետրոսյանը հերթական բարի քայլն է կատարել՝ տնակում ապրող ընտանիքին բնակարան նվիրելով։ Երեխաների հայրը նշել էր, որ 35 տարեկան է, ծնվել, մեծացել ու ապրել է տնակում ու պրոդյուսերի նվերը, իսկապես, շատ կարևոր է իր բազմանդամ ընտանիքի համար։ Հուզիչ կադրերը և բնակարանը դիտեք տեսանյութում ստորև․